Для авторизации на текущем портале в Вашем профиле ЕСИА должно быть заполнено поле "Электронная почта"

Республиканские порталы Карта сайта Вход

Муниципальный район Салаватский район Республики Башкортостан

Игеҙәктәр бәхетте ишәйтер!

19 Марта 2020
2
0

Белореттағы перинаталь үҙәктә тыуған игеҙәктәр Раяна менән Тимур Әбйәлил районында донъяға килгән сабыйҙарҙың 99-сы һәм 100-сөһө булды.

Асҡар ауылында йәшәгән Эльвира һәм Марсель Ҡушмөхәмәтовтар ишле ғаиләләр рәтен тулыландырҙы. Уларҙың өс йәшлек улдары Даян да бар. Яңыраҡ Башҡортостан Юстиция эштәре буйынса дәүләт комитетының Әбйәлил районы ЗАГС бүлегендә игеҙәктәрҙе тантаналы шарттарҙа теркәү үткәрелде. Етәксе Фәриҙә Әхмәтова йәш ата-әсәне ҡотлап, уларға иҫтәлекле бүләктәр тапшырҙы.

Салауат районында ла быйыл тәүге игеҙәктәрҙе теркәү тантанаһы үтте. Мәсетле ауылында йәшәгән Алина һәм Юлай Нуриевтар кескәй Амелия менән Искәндәрҙе ҡулдарына алды. Ишле ғаиләлә хәҙер дүрт бала үҫәсәк. Салауат районының ЗАГС бүлеге начальнигы Анастасия Сергеева бәхетле атайға игеҙәктәрҙең тәүге документтарын тапшырҙы.

#детибашкириисчастье
#башҡортостанбалалары

Фото: Юстиция эштәре буйынса дәүләт комитетының Салауат районы ЗАГС-ы бүлеге.

Автор: Дина Арсланова

газета Башкортостан

  • Игеҙәктәр бәхетте ишәйтер!